RadioSénior de recalada polo verán … final da 2ª tempada

Recalar: “Logo dunha longa navegación, aproximarse a unha costa para recoñecela e determinar a posición”.

Cando a finais de 2016 comezamos a singradura de RadioSénior non sabíamos que estábamos a construír lembranzas que durarán para sempre, que estábamos a sementar liberdade nos campos das ondas radiofónicas, que estábamos demostrando que éramos quen de ser axentes activos de comunicación, … soamente pensábamos en aprender e desfrutar facendo radio e construíndo unha ferramenta de difusión da aprendizaxe ao longo da vida que vivimos na Universidade Sénior.

Desde a primeira emisión en maio de 2017, logo de 2 tempadas, 21 programas, case 1300 horas de radio en directo e moitas mais de produción e redacción, soaron mais de 150 cancións, dende Moustaki ou Serrat a Marea ou Rozalén, de Cristina Pato a os Beatles, das Cen Miradas de Sonia Lebedynski que nos serviu de sintonia de inicio á Labordeta que pechaba os nosos programas lembrándonos que “seguimos aguantando el temporal”.

Nestes tempos, teñen pasado polas ondas de RadioSénior preto de 80 personaxes relevantes da vida académica, social, cultural e artística da nosa contorna:

Autoridades Universitarias

1. Julio Abalde – Reitor
2. Nancy Vázquez – Vicerreitora de Oferta Académica e Innovación Educativa – UDC
3. Pilar García – Vicerreitora de Internacionalización e Cooperación – UDC
4. Matilde García – Directora Universidade Sénior UDC
5. Ana González – Directora Unidade de Divulgación Científica UDC
6. Rosa Cobo – Directora Centro de Estudos de Xénero e Feministas – UDC

Profesorado da Universidade

7. Adina Dumitru – Profesora UDC
8. Casto Rivadulla – Profesor UDC
9. Diego Bellido – Profesor UDC
10. Fernando Agrasar – Profesor UDC
11. Pilar Millor – Profesora UDC
12. Juan Manuel Sánchez-Quinzá – Profesor UDC
13. Isidoro Hornillos – Profesor UDC
14. Jaime Fagúndez – Profesor UDC
15. Alberto Sucasas – Profesor UDC
16. Andrés Martínez – Profesor UDC

Personalidades do ámbito académico:

17. Francois Vellas – Presidente AIUTA
18. Concepción Brú – Presidenta AEPUM
19. Pablo Martín – Director de SEPIE (Servicio Español de Promoción de la Internacionalización de la Educación)
20. Andrés Ajo – Responsable Educación de Adultos del SEPIE
21. Luis Jacob – Presidente de RUTIS (Rede de Universidades da Terceira Idade –Portugal)
22. María Guimaraens – Directora UGIRT (Universidade da Grande Idade de RioTinto – Portugal)
23. Jose Manuel Muñóz – Director Univ. Experiencia – Salamanca
24. Alejandro Otero – Presidente FEGAUS (Federación Galega de Universitarios Sénior)
25. Marina Troncoso – Presidenta CAUMAS (Confederación de Asociaciones de Universitarios Mayores)
26. Roberto Pérez – Presidente ADAYEUS (Asociación de Alumnos/as da Universidade Sénior da Coruña)

Personalidades do ámbito político:

27. Ricardo García – Deputado pola Coruña nas Cortes Generales
28. Xulio Ferreiro – Alcalde de A Coruña
29. Rocío Fraga – Concelleira de Igualdade e Seguridade – Concello da Coruña
30. Manuel Muiño – Alcalde de Zas e Presidente do GDR “Costa da Morte”
31. Pilar Farjas – Responsable E-Saude SERGAS

Personalidades do activismo e o compromiso social:

32. Esteban Beltrán – Director de Amnistía Internacional
33. Rubén Sánchez – Activista Social (Acampa)
34. Marta Casal – Activista Social (Muller)
35. Montse Otero – Sindicalista
36. Roberto Rivas – Bombeiro e Activista Social

Personalidades do ámbito cultural e artístico

37. Xulia Santiso – Directora Casa Museo Emilia Pardo Bazán
38. Silvia Modia – Vicedirectora del Auditorio de Galicia.
39. Carmen Fernández – Directora Museo de Arte Contemporáneo da Coruña
40. Manuel Rivas – Escritor
41. Olga Rodríguez – Periodista
42. Ivan Patiño – Director de Cine
43. Marcos Pérez – Xornalista
44. Nacho Carretero – Xornalista e escritor, autor de “Fariña”
45. Manuel Vicente – Divulgador Científico e director do programa “Efervesciencia” -RTVG
46. Edu Fernández – Artista
47. Ali Ali – Artista
48. Rita Rodríguez – Artista
49. Xurxo Souto – Artista e cantante
50. Guadi Galego – Cantante
51. Uxía – Cantante
52. Sonia Lebedinsky – Cantante
53. Manuel Lourenzo – Dramaturgo e Actor

Personalidades do ámbito económico e social:

54. Cesar Bonilla – Empresario
55. Vicente Campos – Médico
56. Pablo Pizarro – Cociñeiro
57. Ana Salorio – Cociñeira

E mais de 20 alumnos e alumnas da Universidade Sénior e outras institucións de formación de adultos de toda Europa.

O proceso de formación, tanto na Universidade Sénior, a través do Taller de Comunicación que encabazaba primeiro o profesor e xornalista Cristóbal Ramirez e actualmente a investigadora da UDC, Isabel Lema, e o Taller Europeo da profesora Pilar García, coa formación en TIC, como logo co proceso formativo na emisora comunitaria CUAC FM, foi o comezo do camiñar de 5 alumnos e alumnas que abriron o camiño que ao ano comezarían outros catro compañeiros e compañeiras.

Esta singradura non sempre foi fácil. Foi necesario aprender as claves dunha nova linguaxe, a radiofónica. Tivemos que aprender a traballar coas TIC: manexando un blog que leva preto de 400 entradas e que conta xa con case 15.000 visitas en pouco mais dun ano, manexando ferramentas de audio dixital, … Pero sobre todo, foi preciso aprender a traballar xuntos e xuntas, de xeito cooperativo, colaborando e non competindo, mantendo as nosas opinións, respectando as opinións distintas e acadando unha posición común. Aprendemos xuntas, camiñando uns a carón das outras a traballar en liberdade e responsabilidade, sendo un sen deixar de ser nós, falando sen medo dos temas que nos interesaban: incendios forestais, violencia de xénero, igualdade, pensións, …  Nin sequera a perda das emisións en FM fíxonos render, e cóbado con cóbado, seguimos o noso rumbo. E acadamos o recoñecemento de tres premios da emisora por votación do resto de programas.

Chega agora o momento de fondear fronte a algunha tranquila praia. Un tempo de descanso có verán polo medio, para retomar folgos, para ver o rumbo xa seguido e tratar de axexar o destino procurado. De certo que haberá que enfrontar ventos e ondas, mais ningunha inclemencia será mais forte que a vontade, a constancia, a dedicación e o esforzo que cada programa teñen posto Luis Santillana, Chus García, Concha Maneiro, Puerto Pérez, Agustín Cabezudo, Manuel Iglesias, Silvia Larrosa, Chus Regueiro e Genoveva Carballal … eles e elas son RadioSénior.